محاجب سهلة التحضير

fadhila كتب:أختي الأغلبية يبغو لمحاجب حارين مثلا عائلتي يبغو لمحاجب حارين بزاف تحضير العجينة بلدقيق الأصفر الرطب زائد الملح و ندلك بلماء الدافي و نخليها ترتاح و نحضر الحشو في مقلاة نقطع ثلاث حبات بصل كبارو أربع حبات طماطم و حبات فلفل خضراء و حمراء و فصين ثوم وثلاث حبات فلفل حار نضيف لها كأسين كبار ماء و شوي ملح ونخليها طيب حتى تنشف من الماء و نضيف الزيت ثم نحرك حتى تذبال ونخليها تبرد الحشو يكون حسب مقدار العجينة نقسم العجينة على شكل كويرات و بستعمال الزيت نبسط العجينة و نضع ملعقتين من الحشو ثم نلف العجينة من الاطراف على شكل حبة المسمن المعروف لدى منطقتنا ونحطها في مقلاة على نار هادئة و نرش الزيت في المقلاة و نقلب حتى تستوى من الأحسن يتكلو سخونين مع الشاي كما يمكن أن تغيري الحشو بللحم المفروم و البصل و الطماطم هنا يتغير مذاق المحاجب اتمنى ان تكون عجبتك الطريقة أختي العزيزة و شهيتك طيبة .